Mánagull

Mánagull, heitir á latínu Epipremnum aureum og á ensku Devils ivy. Plantan heldur græna lit sínum vel og vex vel þrátt fyrir að vera sett í skugga. Mánagullið er frábær byrjendaplanta og er ein sú vinsælasta á Íslandi.

Mánagull er frábær fyrir byrjendur vegna þess hve auðveld í umhirðu hún er. Svo er hún þægilegur heimilismeðlimur því hún fyrirgefur það auðveldlega ef maður gleymir af og til að vökva hana. Plöntufróðleikur frá hinum ýmsu heimshornum er alltaf skemmtilegur og í Asíu trúir fólk því að plantan dragi að sér góða lukku, góð tækifæri, peninga og öryggi.

Góð þumalputtaregla er að vökva mánagullið um það bil einu sinni í viku og sjaldnar á veturna. Svo er hún sérstaklega hentug á íslensk heimili því hún má í raun standa í hvaða herbergi sem er, annað hvort í potti eða í körfu þar sem plantan fær að hanga.