Fersk blóm og plöntur án fyrirhafnar

Rætur & stilkar

Við leituðum lengi að hinum fullkomnu stílhreinu og látlausu blómapottum. Loksins eru þeir fundnir og munu sóma sér vel á hvaða heimili sem er. Mismunandi litir fyrir mismunandi heimili og allir ættu að finna eitthvað við sitt hæfi. Undirskálin er ekki bara falleg heldur tryggir hún gott dren frá plöntunum.

Rætur & stilkar

Plantan sem er best þekkt sem flamingóblóm er ein þeirra plantna sem blómstrar hvað lengst og er í raun sjaldan án blóma. Blómin samanstanda af hjartalaga laufi ásamt kólfinum sem er hið eiginlega blóm.

Þessi þolir mikið myrkur og gengur því hafa í herbergjum sem eru ekki með stóra glugga.

Heimsending er innifalin í verðinu.

Rætur & stilkar

Velkomin til Zanzibar. Sómakólfurinn sem stundum er kallaður gimsteinn Zanzibar kemur upphaflega frá austurhluta Afríku og var víða að finna á eyjunni Zanzibar fyrir utan Tanzaníu. Plantan þolir vel gleymsku eigenda sinna og spjarar sig vel í hvaða skilyrðum sem er. Hún er einstaklega seig í þurrkatíð þar sem hún getur geymt mikinn forða vatns rótarbolta sínum.

Hún skartar vaxkenndum dökkgrænum laufum á sveigjanlegum stilkum.

Heimsending er innifalin í verðinu.

Rætur & stilkar

Bænablóm er oft nefnd jurt bænagerðarmannsins (e. Prayer plant) vegna þess hvernig blöðin á henni færast upp og niður, slúta á næturna og reisa sig svo aftur við á daginn. Bænablóm er ein þeirra plantna sem er talin hreinsa loftið í kringum sig.



Sólarljós: Þolir skugga en er þó best við bjartari aðstæður án þess þó að vera í beinni sól. Bein sól getur deyft liti blaðanna.
Vökvun: Úða oft þar sem hún vill mikinn raka, vökvist oft á sumrin með volgu vatni en minna á veturna.

Rætur & stilkar

Indjánafjöður stendur teinrétt og virðuleg með sín grænu blöð með gulum brúnum. Hún er upptekin allan sólahringinn og slakar sjaldan á þar sem hún stendur í ströngu við hreinsun á lofti, dregur til sín ýmis eiturefni, svo sem formaldehýð og xylene. Hún er frábær planta fyrir fólk sem státar ekki af mjög grænum fingrum þar sem hún þarf ekki mikla vökvun né umönnun. Það er nefnilega ansi erfitt að drepa Indjánafjöðrina. Þessi upptekni “multitasker” er oft kölluð tengdamömmutunga, mögulega vegna þess hve mikið hún líkist tannhvassri tengdó :)

Sólarljós: Þrífst best í björtu rými í óbeinu sólarljósi en getur einnig staðið í tiltölulega sólarlitlu rými
Vökvun: Þarf ekki mikla vökvun og líður vel þegar mold fær að þorna alveg á milli vökvana og vel það.

Rætur & stilkar

Köllubróðir er harðger planta sem þolir vel vanrækslu eigenda sinna. Upphaflega kemur hún frá Suður Ameríku og finnst allt frá Mexíkó til Argentínu í sínu náttúrulega umhverfi. Henni líður vel í óbeinu ljósi en kvartar þó ekki undir beinu sólarljósi. Eins og með flestar inniplöntur þá er ofvökvun algengasta orsök vandamála. Gott er að hafa í huga að leyfa moldinni að þorna nokkuð vel á milli vökvanna þannig að allavega efstu 3 sm séu þurrir þegar vökvað er á ný.

Rætur & stilkar

Vökva einu sinni í viku og passa að potturinn sem fiðlufíkusinn er í dreni sig. Fiðlufíkusar vilja nefnilega nokkuð góðan skammt af vatni en vilja alls ekki sitja í vatninu. Þessir eru þekktir fyrir stóru grænu laufin sín og æðarnar sem sjást vel. Þar sem þessi planta getur lifað vel og lengi erum við með alls konar tips og trix til þess að halda þeim í þeirri lögun sem þú vilt. Meira um það síðar í ferlinu :)

Rætur & stilkar

Tignarlegt ólívutré sem vill sól og birtu. Tréð vill nóg að drekka á sumrin og á veturna vill það fá vatnsskammtinn sinn allavega einu sinni til tvisvar í viku. Hvað er betra en að glæða heimilið miðjarðarhafsstemningu, til dæmis inni í sólríku eldhúsi eða á bjartri gluggasyllu.