Sóley og Arnþór giftu sig við fallega athöfn í Kópavogskirkju. Vöndurinn hennar Sóleyjar var einstaklega fallegur orkideu vöndur sem Erla blómaskreytir setti saman ásamt stofugulli.

Klara og Birgir kusu að hafa brúðkaupið lítið, sætt og óhefðbundið. Þau létu pússa sig saman hjá sýslumanni og fór brúðkaupmyndatakan fram í Melabúðinni. Vöndurinn var náttúrulegur í takt við brúðhjónin.

Tierney & Justin giftu sig við hátíðlega athöfn í Ingólfsskála rétt fyrir utan Hveragerði. Tierney og Justin fóru alla leið og skreyttum við salinn með guðdómlega fallegum dúnspora sem hékk úr loftinu, ásamt garðasnotrum og hvítum rósum.

Mynd eftir Olya Shechenko

Sandra og Arnór giftu sig við hátíðlega athöfn í Kópavogsskirkju. Sandra valdi sér tímalausar og klassískar hvítar rósir sem Erla blómaskreytir setti saman á nútímalegan hátt.

Benedikta & Markús gengu í það heilaga 8. júní síðastliðinn. Blómstra sá um blómin í veislunni, barmblómin og brúðarvöndinn. Brúðarvöndurinn hennar Benediktu var samsettur úr fallegum calla liljum og barmblóm brúðgumans voru í stíl en þau voru skreytt fínlega með grænum aspas og hvítum silfurfétopp.

Mynd eftir Elísabet Blöndal ljósmyndara

Tanja & Ragnar giftu sig við glæsilega athöfn í Dómkirkjunni og fór veislan fram í Nasa salnum. Akursóleyjar spiluðu stórt hlutverk í skreytingum, brúðarvendinum og barmblómunum.

Parið valdi allan pakkann og voru blómaskreytingar á öllum 16 gestaborðum & háborði með fallegri blöndu af blómum. Svið og brúðartertuborð var skreytt með háum vösum.