1 6

Valentínusarvöndurinn

Við kynnum til leiks Valentínusarvönd Blómstru 2024 en vöndurinn kemur í takmörkuðu upplagi. 

Þessi fallegi og líflegi vöndur er allt sem þú þarft til að gleðja ástina með á Valentínusardaginn. Vöndurinn í ár inniheldur bjartar goðadrottningar sem tákna ást og hrifningu, fallegar fölbleikar rósir, bleikar hvítköllur sem tákna hreinleika og heiðarleika ásamt brúðarslöri sem sveimar í vendinum. Vöndurinn í heild sinni hefur djúpstæða merkingu og með þessum fallegu blómum nærðu að segja ,,Ég elska þig" á töfrandi hátt.

Við höfum sett saman alveg einstakan Valentínusarpakka og getur þú valið um vönd í tveimur stærðum og til að fullkomna gjöfina getur þú valið um að bæta við fallegu gull- eða silfurhúðuðu armbandi frá My Letra ásamt ljúffengu rósavíni frá Oddbird (óáfengu). 

Armbandið kemur í einni stærð sem passar öllum.

Þú getur valið afhendingardagsetningu. Við getum afhent á Dropp afhendingarstað, sent heim að dyrum eða þú getur sótt til okkar í 105 Reykjavík. 

Umbúðir

Við notum ekkert plast í umbúðir okkar.

Blómin koma í pappírsumbúðum sem má að sjálfsögðu endurvinna.

Afhending

Heimsending heim að dyrum er innifalin.

Við prófum alltaf að banka eða dingla hjá þér en ef þú ert ekki heima þá hefur það reynst okkur mjög vel hingað til að skilja blómin eftir á umsömdum stað. Staðurinn er tilgreindur í næsta skrefi. Ef veðrið er vont þá skiljum við ekki eftir. Við metum það í hvert sinn.

Við mælum með að þú komir litlum vasa eða lítilli krukku fyrir á umsamda afhendingarstaðinn svo ef til þess kemur að við þurfum að skilja vöndinn eftir þá getum við skilið hann eftir þar. Við erum með vatn í bílnum okkar en það myndi aðstoða sendilinn okkar mikið ef það væri komið vatn í krukkuna þegar við komum.

Ánægjutrygging

Ef þú ert af einhverjum ástæðum ekki ánægð/ur með vöruna eða þjónustu þá viljum við endilega fá að bæta þér það upp. Ekki hika við að heyra í okkur ef svo er <3